Bavarian Health Care Clinic

هل البيض فعلًا مضر بالكوليسترول ومحتاجين نوقفه؟ ولا مفيد وغني بالبروتين فمحتاجينه في أكلنا؟ طيب ناكل كمية اد إيه؟ دي أشهر اسئلة بتجيلنا وقررنا نجاوب عليها في الفيديو ده

في فرق كبير بين حساسية اللبن وعدم تحمل اللاكتوز، والفرق ده هو اللي بيحدد سبب المغص اللي بيحصلك بعد شرب اللبن، وبيقدر يحدد هتمنع إيه… وهتاكل إيه.
وعشان كده التشخيص الصح أهم من إننا نمنع أكلات من نفسنا.
واحنا في Bavarian بنساعدك توصل للسبب الحقيقي، عشان العلاج يبدأ من تشخيص صحيح… مش من التخمين.

طيب وهو هيفضل كده طول عمره؟
ده سؤال بييجي في بال أي أب أو أم أول ما طفلهم يتشخص بحساسية أكل، والإجابة: مش دايمًا.
وده لإن في أنواع كتير من حساسية الأطعمة، زي حساسية اللبن الأبقار، ممكن تتحسن تدريجيًا مع نمو الطفل، وتختفي عند سن 3 ل 4 سنوات
لكن في حالات تانية، زي حساسية القمح الناتجة عن مرض السيلياك (Celiac Disease)، بيكون التعامل مختلف لإنها حالة مناعية مزمنة وبتحتاج نظام غذائي خاص مدى الحياة.
وعشان كده التشخيص الدقيق هو أهم خطوة لإن مش كل حساسية ليها نفس السبب، ولا نفس العلاج

دي مجرد خفقة.
أكيد من التوتر.
يمكن قلة نوم.
جمل كتير بنقولها لما نحس بأعراض بسيطة وتختفي بسرعة.
لكن المشكلة إن بعض اضطرابات كهرباء القلب بتبدأ بإشارات صغيرة جدًا لدرجة إن ناس كتير بتتجاهلها.
وده مش معناه إن كل دوخة او خفقة خطر، لكن معناه إن الإشارة لما تتكرر، يبقى تستحق إن احنا نفهمها.
لإن اللي بيحصل النهاردة.. بدأ من زمان

لو بتعاني من أرق او شخير مستمر وانقطاع في النفس اثناء النوم، و بتصحى مرهق رغم إنك نمت ساعات كفاية، فممكن تكون المشكلة أكبر من مجرد قلة نوم.

انقطاع النفس أثناء النوم من الحالات اللي ناس كتير بتعيش بيها سنين من غير ما تعرف، ورغم إن أعراضها بتظهر أثناء النوم… إلا إن تأثيرها ممكن يمتد لضغط الدم، واضطرابات ضربات القلب، وصحة القلب بشكل عام.

وعشان كده في Bavarian بنتعامل مع دراسة النوم كجزء من الصورة الكاملة لصحتك، مش مجرد فحص منفصل، لإن دكتور العيلة الحقيقي بيشوف صحتك وإنت صاحي… وكمان وإنت نايم.

اشمعنى انا
سؤال بيسأله أي طفل محتاج لدايت حتى لو مقالهوش بصوت عالي.
ولما الطفل يحس إنه الوحيد اللي ليه أكل مختلف، أو إنه محروم من اللي باقي البيت بياكله، بيكون الالتزام أصعب بكتير… عشان كده نجاح رحلة الطفل مع التغذية الصحية مش بيعتمد عليه لوحده… لكنه بيعتمد على البيت كله.
وفي Bavarian بنساعد الأسرة كلها تبني عادات غذائية صحية، بحيث الطفل يحس إنه جزء من التغيير… مش إنه بيتعاقب.

"هنبدأ دايت سوا من يوم السبت."
قرار بتاخده عائلات كتير… وبعد أسبوعين غالبًا كله بيرجع لنفس العادات.
ليه؟ لإن احتياجات كل فرد مختلفة. اللي يناسب الأب، مش شرط يناسب الأم، ولا الطفل، ولا حتى أخوه.
عشان كده الدايت العائلي الناجح مش معناه إن الكل ياكل نفس الأكل… لكن إن كل فرد يبقى ليه خطة تناسب احتياجاته، وفي نفس الوقت الأسرة كلها تقدر تلتزم بأسلوب حياة صحي.
وعشان كده في Bavarian، قسم التغذية العلاجية بيصمم خطة تناسب كل فرد في الأسرة، من غير ما تبقى رحلة الأكل الصحي صعبة على البيت كله.