Fardi Fest

FARDI Fest është një festival kulturor dhe tradicional i nisur me qëllimin madhor për të promovuar dhe rikthyer në vëmendje trashëgiminë kulturore të Komunës së Rahovecit, me fokus të veçantë në rajonin e Anadrinisë FARDI Fest është një festival kulturor dhe tradicional i nisur me qëllimin madhor për të promovuar dhe rikthyer në vëmendje trashëgiminë kulturore të Komunës së Rahovecit, me fokus të veçantë në rajonin e Anadrinisë. Ideja për organizimin e këtij festivali ka lindur si një nevojë konkrete për të ruajtur dhe gjallëruar vlerat autoktone të zonës, në një kohë kur globalizimi dhe ndryshimet sociale po rrezikojnë harrimin e traditave të hershme popullore. Sot, në edicionin e tij të dytë, FARDI Fest është tashmë ngjarja më unike e këtij lloji në Komunën e Rahovecit e cila ka fituar statusin e një ngjarjeje vjetore të shumëpritur nga komuniteti. Ky festival është shpallur edhe ngjarja kulturore e vitit nga vetë Komuna e Rahovecit, si dëshmi e ndikimit të tij pozitiv në jetën sociale, kulturore dhe ndërgjegjësimin e të rinjve për trashëgiminë vendore. Në thelb, FARDI Fest është një festë familjare që bashkon të gjitha brezat – fëmijë, të rinj dhe të moshuar – në një përjetim të gjallë dhe të ndjerë të kulturës sonë. Ndër vlerat që FARDI Fest synon të ruajë dhe të rikthejë në shoqërinë tonë janë:
• Traditat familjare dhe fryma e bashkësisë,
• Ndërlidhja e brezave përmes përvojave të përbashkëta kulturore,
• Promovimi i artizanëve lokalë dhe zanateve të vjetra,
• Gatimet tradicionale, si pasuri jo vetëm ushqimore, por edhe shpirtërore,
• Lojërat popullore, të cilat dikur ishin pjesë e pandashme e jetës së fëmijëve dhe të rinjve,
• Muzika dhe veshjet tradicionale, si simbole të identitetit tonë etnik e kulturor. Vizioni afatgjatë i FARDI Fest është të ruajë frymën dhe konceptin origjinal të festivalit, duke u bërë një urë lidhëse mes mërgatës dhe komunitetit vendor.