Félag sjúkraþjálfara

Félag sjúkraþjálfara óttast að nýtt komugjald hins opinbera á sjúkraþjálfun muni draga úr líkum á því að fólk leiti sér aðstoðar og seinki endurhæfingu.

Út frá tilkynningu heilbrigðisráðuneytisins um gjaldtökuna í vikunni er ljóst að um verulega aukningu á kostnaði verður að ræða fyrir þá einstaklinga sem þurfa að nýta sér sjúkraþjálfun og má áætla að verið sé að auka kostnaðarþátttöku almennings um ríflega milljarð króna. Þar af má ætla að ellilífeyrisþegar þurfi að greiða að minnsta kosti 340 milljónir króna aukalega fyrir þjónustuna og almennir notendur um 580 milljónir króna, miðað við notkunartölur ársins 2025. Með komugjaldinu getur kostnaður einstaklings við að sækja sér sjúkraþjálfun aukist um 80-105% á ársgrundvelli.

Það er mat Félags sjúkraþjálfara að lausnin við vanfjármögnun heilbrigðisþjónustu eigi ekki að vera sú að færa verulegan kostnað yfir á sjúklinga. Slík nálgun getur aukið ójöfnuð, dregið úr forvörnum og endurhæfingu og leitt til meiri kostnaðar annars staðar í heilbrigðiskerfinu til lengri tíma.

Kostnaður aldraðra gæti aukist um 50 þúsund krónur - Vísir Félag sjúkraþjálfara gagnrýnir stjórnvöld fyrir skort á samráði í aðdraganda þess að kynnt voru komugjöld til sjúkraþjálfara sem taka munu gildi fyrsta september. Félagið bendir á hættu þess af því að gjaldtaka sem þessi geti dregið úr aðgengi, seinkað endurhæfingu og...

Ágætu sjúkraþjálfaragolfarar! ⛳

Golfmót sjúkraþjálfara fer fram fimmtudaginn 20. ágúst næstkomandi hjá Golfklúbbi Brautarholts. Leiknar verða 18 holur í fjögurra manna hollum frá fyrsta teig frá kl. 12:00-13:30, alls tíu holl.
Þátttökugjald er 6.900 kr.

Skráning verður í gegnum GolfBox og opnar 13. ágúst klukkan 12:00 og lokar á miðnætti fyrir mótið. Hlekkur fyrir skráningu verður sendur þegar nær dregur. Þið veljið ykkur sjálf rástíma en við biðlum til ykkar að reyna að fylla holl frekar en fámenna í þau. Jafnframt viljum við fylla fyrstu hollin fyrst og áskiljum okkur rétt til þess að færa skipuð holl sem ræsa seint í tóm holl fyrr.

Hvað hámarksforgjöf varðar eru allir gjaldgengir í mótið en hærri forgjöf en 36 verður lækkuð í 36.

Glæsilegir vinningar eru í boði fyrir höggleik og punktakeppni að vanda, lengsta upphafshögg á vel valinni holu og nándarverðlaun á par 3 holum.

Bikarhafar síðasta árs eru beðnir um að setja sig í samband við mótsnefndnina við fyrsta góða tækifæri.

Ef spurningar vakna er hægt að hafa samband við mótstjórana Vilhjálm ([email protected]) eða
Rúnar Karl ([email protected]), sjúkraþjálfara.

Athygli er vakin á því að þetta verður síðasta mótið sem ofanritaðir mótstjórar skipuleggja. Takk fyrir okkur ❤

Til hamingju allir nýútskrifaðir sjúkraþjálfarar. Við hlökkum til að starfa fyrir ykkur og með ykkur 👏

Íslenskir sjúkraþjálfarar eru fróðleiksþyrstir og duglegir við að sækja sér sí- og endurmenntun.

Hér má sjá glaðbeittan hóp sem sem sótti noi EP3 Pain Science ráðstefnunni í Manchester á dögunum ásamt nokkrum aðalfyrirlesurum ráðstefnunnar. Þeirra á meðal var Íslandsvinkonan Tasha Stanton sem kom til Íslands í maí til að vera með erindi á Degi sjúkraþjálunar og námskeið í tengslum við hann.

Lýðheilsuhvatning til stjórnvalda afhent Ölmu D. Möller, heilbrigðisráðherra 10. júní 2026.

Breiðfylking heilbrigðisstétta og forvarnarsamtaka hvetja alþingismenn og ráðherra til að standa með samþykktri lýðheilsustefnu til ársins 2030 og markmiðum gildandi laga um einkasölu ÁTVR á áfengi.

Í tilefni svara ríkisstjórnarinnar til Eftirlitsstofnunar EFTA (ESA) þann 21. apríl sl. og þess að nú í júní eru liðin 6 ár frá kæru ÁTVR á hendur netsölu áfengis hvetur breiðfylking heilbrigðisstétta og forvarnarsamtaka stjórnvöld til að standa með samþykktri lýðheilsustefnu til ársins 2030 og markmiðum gildandi laga um einkasölu ÁTVR á áfengi.

Félögin fagna því að í svörum ríkisstjórnarinnar til ESA er því komið skýrt á framfæri að það viðskiptamódel netsölu áfengis, sem tekist hefur verið á um á Íslandi síðustu árin, er ólöglegt að mati ríkisstjórnarinnar. Héraðsdómur Reykjaness komst að sömu niðurstöðu þann 8. apríl sl.

Fyrir 6 árum, þann 16. júní 2020, kærði ÁTVR slíka netsölu og er það áhyggjuefni hve seint hefur gengið að fá niðurstöðu í mál er varða mikilvæga lýðheilsu-og samfélagshagsmuni.

Félögin lýsa ánægju með að í drögum að stefnu í áfengis-og vímuvarnarmálum til 2035 taki heilbrigðisyfirvöld mið af áherslum Alþjóðaheilbrigðismálastofnunarinnar (WHO) um að draga úr skaðlegri notkun áfengis með gagnreyndum forvarnaraðgerðum, en skýrsla stofnunarinnar frá 2025 sýnir að áframhaldandi einkasala ríkisins á áfengi er mikilvægt lýðheilsumál.

Félögin ítreka fyrri áskorun breiðfylkingar félaga heilbrigðisstétta, forvarnarsamtaka og fleiri til yfirvalda um að bregðast við yfirstandandi lýðheilsuógn vegna stóraukinnar netsölu áfengis frá 26. ágúst 2024.

Þá er sparnaðarráð þeirra, Verum hagsýn í ríkisrekstri – sparnaðarráð frá breiðfylkingu heilbrigðisstétta, forvarnarsamtaka ofl., sem birt var í samráðsgátt þann 21. janúar 2025, ítrekað.

Að hvatningunni standa:
Félag íslenskra hjúkrunarfræðinga
Félag lýðheilsufræðinga
Ljósmæðrafélag Íslands
Læknafélag Íslands
Sálfræðingafélag Íslands
Sjúkraliðafélag Íslands
Félagsráðgjafafélag Íslands
Lyfjafræðingafélag Íslands
Iðjuþjálfafélag Íslands
Þroskaþjálfafélag Íslands
Félag sjúkraþjálfara
Félag áfengis- og vímuefnaráðgjafa
SÁÁ
Fræðsla og forvarnir-félag áhugafólks um forvarnir og heilsueflingu
Foreldrasamtök gegn áfengisauglýsingum
IOGT á Íslandi
SAFF-Samstarf félagasamtaka í forvörnum

Nýjar og uppfærðar ráðleggingar á vegum Evrópusamtaka um gigtarlækningar hvetja fólk með liðagigt til að hreyfa sig meira.

Denislav Orlinov dósent í sjúkraþjálfun við HÍ er einn af meðhöfundum 👏