Gljúfrasteinn / Laxness Museum

Við bendum tónleikagestum á að hægt er að leggja bílum við Jónstótt

Jónstóttarvegur 271, Iceland

Verið velkomin á aðra stofutónleika sumarsins sunnudaginn 14. júní, á Gljúfrasteini þar sem flunkunýtt tríó bregður á leik. Nafnarnir Tumi Torfason og Tumi Árnason þeyta í lúðra og Tómas Jónsson leikur á alls oddi á flygli nóbelskáldsins og eflaust hinum ýmsu hljómborðshljóðfærum. Tumi Torfason, Tumi Árnason og Tómas Jónsson.

Þegar koma tveir góðviðrismorgnar í röð á Íslandi, þá er einsog allar áhyggjur lífsins hafi kvatt fyrir fult og alt.

Heimsljós. Kraftbirtíngarhljómur guðdómsins, 25.kafli.

Gissur Páll og Árni Heiðar hefja stofutónleikaröð sumarsins á sunnudaginn kl. 16!

Stofutónleikaröð Gljúfrasteins fagnar tuttugu ára afmæli í ár. Á fyrstu ónleikum sumarsins munu þeir Gissur Páll Gissurarson og Árni Heiðar Karlsson koma fram saman í fyrsta sinn á Gljúfrasteini. Þeir félagar hafa starfað saman í tæp tuttugu ár. Nándin á milli áheyrenda og flytjenda á tónleikum sem þessum er einstök og töfrandi. Gljúfrasteinn fyllist enn á ný þeirri hlýju og gleði sem Auður og Halldór sköpuðu á sínum ófáu stofutónleikum. Gissur Páll og Árni Heiðar munu flytja nokkur af sínum eftirlætis einsöngslögum við texta Halldórs Laxness og fleiri ljóðskálda.