Hjálparsveit skáta Garðabæ

18 félagar sveitarinnar eru þessa dagana i vikudvöl norðan Vatnajökuls á Hálendisvakt Slysavarnafélagsins Landsbjargar.

Sveitin kom á fimmtudaginn 9. júlí og hefur haft aðsetur í Herðubreiðarlindum. Svæðið hefur verið skannað vel síðustu daga og höfum við aðstoðað ferðafólk á svæðinu og veitt upplýsingar og færð á vegum og gönguleiðum.

Þann 5. maí síðastliðinn útskrifaðist flottur hópur nýliða eftir tæplega tveggja ára þjálfun.
Hér eru þau öll með Guðmundi formanni (tv).
Til hamingju flotti hópur.

Kæru Garðbæingar
Við verðum á ferðinni um bæinn í dag og á morgunn að safna lifandi jólatrjám bæjarbúa sem þjónað hafa tilgangi sínum. Okkur langar að biðja ykkur um að koma trjánum út í dag, á augljósum en öruggum stað við lóðamörk og ganga vel frá þeim.

Verið velkomin í dag, 6. janúar, opið frá kl. 15-20.

Gleðilegt nýtt ár!
Við hvetjum öll til að fara með flugeldarusl í gáma fyrir notaða flugelda. Í Garðabæ eru gámar á fjórum stöðum:
🌟 á Álftanesi
🌟 við Ásgarð
🌟 við Hofsstaðaskóla
🌟 við Urriðaholtsskóla

Notuð stjörnuljós má setja í gáma fyrir málm á grenndargámastöðum.

Nánari upplýsingar á : https://www.flugeldar.is/ruslid-burt

Nú höfum við lokað sölustöðum okkar þessi áramótin. Við munum að sjálfsögðu opna flugeldasöluna á þrettándanum, 6. janúar.
Takk kærlega fyrir stuðninginn í þessari mikilvægustu fjáröflun ársins.

Komið á einn af þremur sölustöðum okkar í Garðabæ og náið ykkur i flugelda fyrir kvöldið

Þau sem hafa keypt rakettupakka 2 hjá okkur geta komið með hann til okkar á sölustaði okkar.

INNKÖLLUN Á "RAKETTUPAKKA 2" VEGNA GALLA!

Slysavarnafélaginu Landsbjörg bárust í kvöld, þriðjudagskvöld, ábendingar um að galli væri í einhverjum rakettum sem seldar hafa verið í Rakettupakka 2.
Við prófun kom í ljós að einhverjar þeirra sprungu of snemma.

Því hefur verið tekin sú ákvörðun um að taka Rakettupakka 2 úr sölu og kalla inn þá pakka sem hafa verið seldir.
Þau sem hafa keypt Rakettupakka 2 eru hvött til að koma með hann á næsta sölustað og skipta honum út fyrir aðra vöru.
Hægt verður að skipta út pakkanum á gamlársdag, þar til sölustaðir loka, sem og á opnunartíma fyrir þrettándann.

Slysavarnafélaginu Landsbjörg þykir miður að viðskiptavinir verði fyrir óþægindum vegna þessa, en öryggi okkar allra þarf alltaf að vera í fyrirrúmi.

Sölustaðir okkar eru opnir til klukkan 22 í kvöld
🎆 Jötunheimar við Bæjarbraut
🎆 við Ikea
🎆 Haukshús Álftanesi