AGAMFeC

Este sábado 3 de outubro de 2026, no Centro Sociocultural de Lalín integrantes do grupo de traballo PACAP de AGAMFEC realizaron una xornada formativa sobre Investigación-Acción Participativa (IAP), dirixido a profesionais de Atención Primaria interesados en incorporar estas ferramentas nas súas actividades comunitarias.
Comenzamos cunha benvida e introducción en formato tertulia-café, falando da IAP mentres exploramos o potencial e as limitacións da intelixencia artificial e dos diversos programas de análise cualitativo para o procesamento e interpretación de información obtida mediante entrevistas, grupos focais e outras técnicas de investigación cualitativa. Despois dos obradoiros, pechamos a Xornada cunha una avaliación mediante a técnica do Mapa de emocións.
A actividade desenvolveuse conforme ao programa previsto, cunha participación activa e moi satisfactoria por parte dos asistentes. O Grupo do PACAP AGAMFEC considera que o curso acadou satisfactoriamente os obxectivos formativos previstos.
Moitas grazas pola vosa asistencia!

agamfec.com

💻 Os días 21 e 28 de setembro de 2026, no Centro de Saúde de Concepción Arenal (Santiago de Compostela) Emiliano Fernández-Obanza Windscheid, médico de familia e cardiólogo, integrante do grupo de Traballo de Enfermidades Cardiovasculares de AGAMFEC, realizou o curso ECOCARDIOSCOPIA CLÍNICA BÁSICA PARA ATENCIÓN PRIMARIA, dirixido a médicos/as de AP interesados en incorporar a ecocardioscopia como ferramenta clínica na súa práctica diaria. O curso dividiuse en dúas sesións prácticas, cunha metodoloxía totalmente participativa e orientada á práctica clínica e con acceso dos alumnos a formación teórica online.
A actividade desenvolveuse cunha participación activa e moi satisfactoria por parte dos asistentes. O formato de dúas sesións prácticas con equipos de ecocardiografía e a posibilidade de contar con pacientes como modelos permitiu achegar a formación á realidade da consulta de Atención Primaria.
Moitas grazas pola vosa participación!

agamfec.com

Ás consultas de Atención Primaria chégannos pacientes con síntomas físicos, pero tamén con malestares da vida cotiá. Os problemas laborais, de sobrecarga, de relación de parella... Todo iso suma e, moitas veces, acaba sendo un potente estresor que termina desencadeando problemáticas doutro tipo.
A nosa posición, como profesionais é moi xenerosa porque estamos moi próximos. Certo é que temos moi pouco tempo para ver os nosos pacientes, no entanto, hai moita cotiandade.
Ao médico/a de familia acódese con relativa frecuencia se se ten algún tipo de problema, e iso fai que para nós sexa máis factible o percibir cambios nos nosos pacientes e o que, nalgún momento, algún deles póidase 'derrubar' e poida 'saltar', ou soltar determinadas frases, que nos fagan pensar: 'Habemos de buscar. Hai que detectar. Imos preguntar".
Queremos subliñar a importancia de comentar directamente a eses pacientes se, nalgún momento, tiveron ideación suicida.
Ante a sospeita, non só é necesario facelo, senón que é imprescindible porque, moitas veces, o feito de poder falar deste problema no medio dunha consulta clínica pode “desactivalo” dalgún xeito.

Dra. María Jesús Cerecedo
Grupo de traballo de Saúde Mental AGAMFEC e SEMFYC

📝 Dende o grupo de traballo PACAP de AGAMFEC (Programa de Actividades Comunitarias en Atención Primaria) queremos animarvos a asistir á nosa Xornada de saúde comunitaria: “Comunitaria sen escusas” en Lalín.
A xornada versará sobre ferramentas de Investigación-Acción Participativa (IAP), empezando cunha introdución común mediante unha dinámica de tertulia-café, para proceder despois aos talleres.
Pecharemos a mañá cun mapa de emocións e daremos paso ás actividades da tarde.
Nos Encontros e Xornadas do PACAP buscamos compartir coñecemento práctico e teórico sobre saúde comunitaria. As nosas metas principais son promover a participación cidadá, impulsar o traballo en rede entre diferentes profesionais da saúde e difundir ferramentas metodolóxicas de intervención comunitaria.
Esperámosvos!

+ Info en agamfec.com

Invitámosvos a asistir á 103ª reunión da EGPRN en Santiago de Compostela entre o 22 e o 25 de outubro de 2026 co tema "O continuo da atención ao cancro ao longo da vida".

Data límite para o envío de resumos: 13 de xullo de 2026 improrrogable!

https://meeting.egprn.org/

CURSO:
A ecocardioscopia converteuse nunha ferramenta de enorme utilidade para o médico/a de Atención Primaria, permitindo complementar a exploración física tradicional mediante a obtención e interpretación de imaxes ecográficas cardíacas básicas a pé de cama.
Este curso está deseñado para proporcionar os coñecementos e habilidades fundamentais necesarios para incorporar a ecocardioscopia á práctica clínica diaria, cun enfoque práctico e orientado á toma de decisións.
Actividade presencial en Santiago de Compostela (setembro 2026) que combina contidos teóricos esenciais con talleres prácticos supervisados, permitindo aos asistentes adquirir competencias básicas na obtención de imaxes e interpretación de achados relevantes.
+info en agamfec.com

🎓 AGAMFEC estivo presente na III Conferencia de Académicos/as de AMFE (Academia de Medicina de Familia) os días 5 e 6 de xuño en Oviedo, nun encontro onde se reuniron profesionais referentes en docencia universitaria de Medicina Familiar e Comunitaria de toda España co obxectivo de dar a súa importancia á nosa especialidade nas Facultades de Medicina e fortalecer o seu papel na formación dos futuros médicos e médicas.

https://www.semfyc.es/semfyc/universidad-amfe/amfe

📅 Día Mundial do Medio Ambiente: unha chamada á acción desde a Medicina Familiar e Comunitaria:

Desde o Grupo de Traballo de Saúde Planetaria de AGAMFEC,queremos lembrar que cada 5 de xuño celébrase o Día Mundial do Medio Ambiente, unha data que invita a reflexionar sobre a estreita relación existente entre a saúde humana e a saúde dos ecosistemas. Nos últimos anos, a evidencia científica consolidou unha idea que xa non admite discusión: a crise climática e a deterioración ambiental representan unha ameaza crecente para a saúde das poboacións e constitúen un dos maiores desafíos sanitarios do noso tempo.

As ondas de calor máis intensas e prolongadas, a contaminación atmosférica, os incendios forestais, a perda de biodiversidade, a escaseza de auga ou a expansión de vectores transmisores de enfermidades teñen repercusións directas sobre a morbimortalidad dos nosos pacientes.

As persoas maiores, os nenos, os pacientes con enfermidades crónicas, as persoas en situación de vulnerabilidade social e quen vive en contornas máis desfavorecidas son especialmente sensibles para estes efectos.

A Atención Primaria atópase nunha posición privilexiada para identificar e abordar estes riscos.

Podes ler o texto completo en agamfec.com

Moitas grazas a tod@s pola vosa participación nas XXVIII XORNADAS AGAMFEC!

O noso agradecemento a todo o Comité Científico e Organizador pola súa dedicación e o seu tempo de traballo e esforzo para organizar estas XXVIII Xornadas AGAMFEC na Coruña.
Grazas!!!