Andaina Pro Saúde Mental

ACTUACIÓNS DO PROGRAMA DE TURISMO E TERMALISMO IMSERSO – SALUD MENTAL ESPAÑA

Deixamos por aquí unha pequena recopilación de imaxes da nosa viaxe do IMSERSO 2026.

Este ano tivemos a oportunidade de desfrutar de Almería e descubrir todo o que esta terra tan especial ten para ofrecer ☀️🌊

👉🏻 Comezamos Outubro recopilando bos momentos das últimas semanas!

Saídas de ocio con novas experiencias e tempo compartido rodeados de paisaxes así de bonitas 🌳

👉🏻 Así foi a nosa Andaina Saudable pola contorna de Cerceda.

Queremos dar as grazas a todas as persoas que vos animastes a participar e compartistes esta mañá de paseo na natureza. Agardamos que a desfrutásedes tanto coma nós. 💚🥾

O noso agradecemento especial á Asociación Veciños polo Rural (veciños polo rural) pola súa colaboración na organización desta actividade. Grazas pola implicación e por sumar esforzos!”

👉🏻Esta semana achegamonos ata Padrón para participar nunhas xornadas de sensibilización organizadas con motivo do Día Internacional contra a Explotación Sexual e a Trata de Persoas, que se conmemora cada 23 de setembro.

Un espazo para a reflexión e concienciación sobre unha realidade que supón unha grave vulneración dos dereitos humanos e que nos lembra a importancia de seguir traballando pola prevención, a protección e a erradicación da explotación sexual e da trata de persoas.

💜

Seguimos impulsando o voluntariado en Andaina PSM!💚

Ao longo deste ano vimos desenvolvendo o noso Programa de Voluntariado contando coa implicación de persoas voluntarias que comparten o seu tempo, coñecementos e habilidades a través de diferentes actividades e obradoiros.

📸 Compartimos algúns momentos deste percorrido, que contribúe a xerar novos espazos de participación e encontro.

Se tes algunha habilidade, coñecemento ou proposta que che gustaría compartir nós acompañámoste para poñela en marcha.

📩 Contacta con nós e cóntanos a túa idea!

👉🏻 OFERTA DE EMPREGO ‼️

En Andaina PSM precisamos incorporar a un dos seguintes perfís para o noso centro de Ordes.

📌 Recepción de candidaturas ata o 4 de outubro.

👉🏻 Hoxe, 10 de setembro, Día Mundial para a Prevención do Suicidio, desde Andaina Pro Saúde Mental queremos lembrar a importancia de falar, escoitar e acompañar.

Aproveitamos para celebrar tamén a sinatura dun convenio de colaboración co Colexio Oficial de Farmacéuticos da Coruña (COFC), un paso que nos permitirá estreitar a relación entre ambas entidades e explorar novas vías de traballo conxunto.

Porque previr tamén é acompañar, escoitar e crear redes de apoio. 💛

XuntosSumamos CoidarÉPrevir

☀️Seguimos recopilando máis saídas de ocio que realizamos nas últimas semanas. Nesta ocasión deixamos fotiños da nosa visita ao Mirador de Pedras Miúdas, en Catoira.

👉🏻Dende alí puidemos visualizar o Ulla, o nacemento da Ría de Arousa e o viaducto do AVE. Xusto debaixo estaba tamén a Lagoa de Pedras Miúdas.

👩‍🍳✨ O noso Receitario Solidario xa ten madriña!

É un orgullo contar co apoio de Sonia Moar (Mis recetas Sonia , Sonia Moar Sánchez), unha profesional cunha ampla traxectoria no mundo da cociña na nosa contorna, que non dubidou en sumarse a este proxecto poñéndolle nome, ilusión e compromiso.

Ademais de amadriñar o noso recetario, xa hai unhas semanas que tamén forma parte do noso equipo de persoas voluntarias, acompañándonos no Taller de Cociña e Hábitos Saudables, compartindo a súa experiencia, coñecementos e paixón coa persoas participantes. Un luxo poder aprender ao seu carón! 💛

Queremos agradecerlle a confianza depositada na entidade e a súa disposición para seguir construíndo con nós espazos de aprendizaxe e participación.

E se aínda non o tes... lembra que o Receitario Solidario segue dispoñible! Ademais de descubrir receitas cheas de sabor, coa súa adquisición estarás colaborando cos programas e actividades que desenvolvemos dende Andaina Pro Saúde Mental.

Tocou descubrir a fronteira con Portugal dende unha perspectiva diferente: navegando polo río Miño. 🚤💙.

Unha experiencia para g***r da fermosa paisaxe, sentir o contacto coa auga e vivir, aínda que só fose por unhas horas, a sensación de ser mariñeiros e mariñeiras por un día. Entre risas, a emoción das olas, darlle de comer aos patos e o bo ambiente que transmitían os pilotos das lanchas, vivimos unha xornada chea de momentos para lembrar. Todo isto grazas a Vontade Asociación e ao clube Deportivo Sen Amarras.

A aventura rematou cun agradable paseo e parada na praia, poñendo o broche final a un día de convivencia, natureza e novas experiencias. Porque ás veces o mellor plan é deixarse levar pola corrente. 🌊✨