Bertatik Bertara

urtean zehar Urretxuko Udaleko Landa Garapen eta Ingurumen Batzordeko gogoetetan du hazia, bertako landa inguruneko produktuen komertzializazioaren alde bultzada bat eman beharra zegoela ikusi zutenean. Inguruko ekoizleen, kontsumitzaileen eta merkatarien arteko elkar ezagutza sustatzea da beste helburuetako bat; hortik proiektuaren izena, BERTATIK BERTARA. Urretxun ernaldu zen hazia inguruko herrietara zabaldu zen (LEGAZPI, ZUMARRAGA, EZKIO-ITSASO, GABIRIA eta ORMAIZTEGI), eta Uggasa eta GOIMENen Nekazaritza eta Merkaturaketa Ekimenen barnean bideratutako dirulaguntzekin lagundu da proiektua. Landa ingurunean sorrera duten produktu desberdinak (fruituak, barazkiak, egoskariak, zekaleak, haragia, esnekiak, eztiak, mermeladak, e.a.) mahaian dastatzen ditugun uneraino diharduten talde edo azpitalde guztiak ikutzen ditu egitasmo honek. Gure kulturaren motore dugu Nekazaritza. Nekazaritza babestea gure kultura babestea da. Gipuzkoan eta baita eskualde honetan ere Nekazaritza da gure identitatearen oinarri nagusia; nundik gatozen eta nora joan nahi dugunaren adierazle nagusia. Eskualdeko turismoan nekazaritzaren garrantzia ezinbestekoa da gure nortasunaren berri eman nahi badugu, behintzat.