Carracedo Fala

🥾 VOLVEN OS ROTEIROS DE «CAMIÑANDO A HISTORIA»

Sabemos que o primeiro roteiro pola parroquia vos encantou, así que cando xurdiu a oportunidade de colaborar coa Asociación Terra Calda nesta nova iniciativa, non o dubidamos nin un segundo. E aquí está!

📅 Domingo, 11 de outubro
🚶‍♀️ Caldas → Carracedo polo Camiño de Santiago

Ao longo da andaina (algo menos de seis quilómetros) faremos diferentes paradas para contar o que máis nos gusta: a historia do que fomos e do que somos.

E atención, porque nesta ocasión tamén descubriremos a relación directa do rei Afonso VII con Carracedo 👑

A chegada aproximada a Carracedo será sobre as 12:00 h., polo que, se non podes facer todo o percorrido, tamén podes incorporarte no tramo final e acompañarnos nas explicacións. 😉

👉 Vas perder a oportunidade de camiñar pola nosa historia?

Seguimos!

👉🏼 Satisfacción porque unha das demandas que Carracedo Fala presentou a comezos de ano no dossier de propostas para a parroquia ao alcalde foi escoitada! Haberá puntos limpos móbiles polo rural para que a veciñanza poida usalos sen desprazarse.

Aquí vos deixamos as datas que lle corresponden a Carracedo.

Pronto, máis novidades ☺️

Silvia, Ricardo e Isabel foron os gañadores do noso Súpersorteo de Produtos da Horta!
Un segundo ano desta iniciativa e un novo éxito. Grazas a todas as persoas que, coma sempre, fan que sigamos facendo cultura! ☺️

Estamos no noso posto na Carballeira de Caldas! Aproveitade para visitarnos, que estaremos toda a tarde ☺️

SORTEO de 3 SÚPER LOTES de produtos da nosa horta!!!!
O ano pasado foi un éxito e este repetimos! Vas perder a posibilidade de levar este auténtico botín para a casa? Un número por 1 euro e colaboras para que poidamos seguir facendo cultura dende o rural. Visítanos no noso posto da Feira Tradicional de Caldas!

😀TIC, TAC, TIC, TAC... Como cada ano, Carracedo Fala estaremos na Feira Tradicional de Caldas do vindeiro domingo día 9 de agosto. Esta edición cambia a ubicación, será na Carballeira. Só tes que buscar o noso posto!

Teremos filloas de sangue e chulas de cabazo feitas "in situ". Tamén a nosa tradicional exposición de fotos antigas (hai cousiñas novas) e o sorteo de TRES SÚPER LOTES de produtos da nosa horta.

Axudádesnos para que poidamos seguir facendo cultura dende o rural? Sen vós sería imposible. Esperámosvos!

Caldas salda a súa débeda coa memoria coa homenaxe á UMD e á democracia Un monolito recorda xa a primeira reunión clandestina dos militares opositores a Franco no bar O Pinar

😃Hoxe foi un día de moitas emocións. Por primeira vez descentralizamos a nosa actividade para organizar - conxuntamente co Concello de Caldas de Reis- un acto de reparación, memoria e dignidade: o descubrimento dun monolito no centro da vila en recoñecemento dos militares (da UMD) que, de forma clandestina, loitaban pola democracia. A primeira reunión da facción galega foi, precisamente, moi pretiño de Carracedo, no restaurante O Pinar.

Gracias en primeiro lugar ao alcalde, Jacobo Perez, pola axuda e atención. Tamén ao resto dos membros da Corporación que acudiron aos actos programados. A acción veciñal funciona mellor cando imos todos da man. A todas as asociacións presentes, en especial a Elena Cabrejas, de Asociación Terra Calda. Aos veciños e veciñas de Carracedo que nos acompañaron e tamén ao resto de participantes. Tamén á Banda Municipal de Caldas, pola súa marabillosa interpretación de 'Grandola Vila Morena' e do Himno Galego.

Mención especial ao catedrático de Historia Contemporánea da USC, Lourenzo Fernández Prieto, pola súa lección maxistral e a Xosé Fortes, o único militar dos oito que se reuniron no Pinar que segue vivo. Escoitariámolo falar horas e horas. Unha mente sabia e con amplitude de miras.

O monolito -coa súa placa pertinente- podedes velo na praciña que hai detrás da Praza de Abastos. Nós desconectamos uns días para coller forzas para a Feira Tradicional na que, un ano máis, estaremos colocando no mapa a Carracedo e defendendo a cultura dende o rural.

Seguimos!

Quedan só dous días para o solemne acto que organizamos o domingo en colaboración co Concello de Caldas de Reis e co veciño Suso Domínguez. Descentralizamos por un día a nosa actividade por unha causa máis que digna... A primeira reunión da UMD tivo lugar nos límites da nosa parroquia.

Despois da resaca das festas é bo momento para recordar o evento deste domingo en Caldas! Aberto a todos os públicos!

👉🏼👉🏼 Seguimos facendo cultura, neste caso nun proxecto conxunto co Concello de Caldas de Reis e o veciño Suso Domínguez Baltar.

O 26 de xullo descentralizamos actividades para vernos en Caldas, na homenaxe á Unión Militar Democrática, os militares contrarios á ditadura franquista.

Satisfeitos de que se vaia abrindo camiño e recuperando a memoria. Alí nos vemos!