Eslam mohamed

واحد معاه 20 الف جنيه قدر يكسب منهم 990 الف جنيه صافي .؟

تعالا اقولك واحده من اعظم الافكار اللي عرفتها
وحابب انقلها ليكم يمكن تكون سبب خير ليكم

كلمني شاب 24 سنه
اتخرج من الكلية دخل الجيش خرج من الجيش عايز يكسب فلوس كتير ومش عايز يشتغل موظف .؟
لا يمتلك اي مهارات ولا رأس مال كبير
استثمر في نفسه 20 الف جنيه لمده 6 شهور
اتعلم بيهم لغه ..!
قدر يحقق دخل اكتر من 450 الف جنيه خلال 3 شهور شغل
وبعدها قدر يكسب 520 الف ج
لحد كلمني علشان نضاعف المكسب عن طريق تطوير المنظومة , تنظيم عملية التوسع .؟

•ودي مش هتكلم عنها انا عايز
انقلكم تجربته في اختيار المجال بس .!

-المهم
الشاب دا قعد يفرك في الافكار لحد م استقر انه
هيشتغل في السياحة بس بشكل مختلف .؟

-قرر يتعلم لغه “برتغالي”
لغه قليله في مصر عدد السياح مناسب جدا
وكان تسويقه لنفسه
بيتم علي انه فرد يقدر يقدم خدمة الارشاد السياحي
للافراد او المجموعات طول فتره الاقامة او علي حسب .؟

وكان بيحط برامج زيارات للسياح بيخليهم بشوفو مصر بجد
بيروح بيهم اماكن مبيروحهاش اكبر الشركات بسبب الزحمة .؟؟

-المهم
صاحبنا عامل ميديا كويسة بيستعرض من خلالها
الامكان السياحية في مصر ويشرحها ويشرح خدماته بالبرتغالي
ويعمل حملات اعلانيه للفيديوهات دي
ربنا كرمه , اشتغل وعمل شغل كويس وخلال 3 شهور مكنش يتوقعه
وسع علي نفسه وبداء يبقي ليه “Guide”
في كل المحافظات السياحية
وظبط خدمة السيارات والتنقل وكله دا ببلان واضحة مع العميل .؟

اشتغل كويس جدا
وخلال اول 3 شهور حقق 450 الف جنيه مكسب
تاني 3 شهور وصل الربح ل 520 الف حنيه
انا بكلمكم عن الصافي مش الجروث
ودا بالمناسبه في مجال السياحة رقم مش كبير .؟

حجز استشارة علشان نحط مع بعض خطه توسع
ودا يمكن اتكلم عنه بعدين

المهم في البوست الفكره راجل حول 20 الف جينه
لدخل مرعب ومستدام يكسب منه طول م هوا عايش
مجرد فهمك لاتجاه السوق والمجالات المتاحة واستغلالك
للميديا صح , توظيف وقتك وفلوسك في الاتجاه الصح
هتلاقي كل حاجة في حياتك اتغيرت .؟

#استشارة
#استشارات
#نصيحة
#شغل

قَالِي تَعَالَى
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى
صَدَقَ اللَّهُ الْعَظِيمُ..

-متبطل تسكرول علي الموبيل دا
وقوم صلي ركعتين في نص الليل كدا
ادعي ربنا باللي في قلبك وربك هيفرجها عليك ..♥️
اسمع مني الحل من عند الله مش من البشر
أنا ياما ضاقت بيا وكل مره كان الحل في ركعتين لله في نص الليل

النفسنة في الشغل بين الموظفين بتخلي المكان وحش
حتى لو مصروف عليه ملايين .؟
تلاقي موظف محترم بيشتغل , مجتهد , ذوق , بيكسب الناس وبيحاول يسوق للمكان بكل الطرق ..♥️

ويجي واحد الكرسي واسع عليه يصغره قدام العميل
علشان ياخد لقطة عليه .!
مع إن التصرف الصح من مدير مع ال teem
إنك تكبر بأصغر فرد عندك قدام الناس حتى لو غلط
م بالك بقى لو صح وفاهم وبيعمل أكتر من اللي عليه ..!

اللي خلاني اتعامل مع هشام ربيع
مش الدعايا اللي بالآلاف الجنيهات اللي بتتعمل في الشهر
ولا ديكور المكان اللي بملايين ولا أي حاجة من دي .؟

-السبب إني روحت المكان
فرد من التيم هناك “حلاق اسمه محمود “ راجل
قمة في الاحترام و الأخلاق , الادب
متابعني ع الميديا عرفني كويس جدا وبيحبني لله وعارف قدر كابتن إسلام .!
شافني مره هناك كنت رايح احلق
بس لما لقيت بنت في الصالة اتحرجت ومشيت
بعتلي رسالة قالي أنا شوفتك عندنا بس ملحقتش أسلم عليك
بس لازم تيجي أحلق ليك بنفسي

-سألته علي حتة البنت قالي دي استقبال بس ملهاش علاقة بالشغل او غسيل الشعر زي م بيحصل في اماكن تانيه .؟
طريقته كانت قمة في الاحترام تحس إن بيسوق لمكانه فعلا

المهم
كان عندي ورشة عمل في يوم والوقت ضيق روحت هناك حلقت
بس هوا مكنش هناك ومشيت
بلغته سلامي من خلال الشخص اللي حلق ليا .؟

كلمني تاني ع الفيس
سلم عليا وعرفني مواعيده لو عايز اروح احلق ولازم يحلق ليا بنفسه ..♥️

روحت حلقت الراجل شلني من الارض شيل
حب يوجب معايا جه يعمل خصم رفضت رفض تام
وخلاص
وبقيت اروح علي طول اوقات وهوا هناك واوقات اكتر وهوا مش هناك ومعايا الاولاد عادي
الراجل لما بيحب يوجب معايا وهوا هناك
تلاقيه بيقبلني كويس , يلاغي في الاولاد يعمل خصم …الخ
وغالبا كل مره نتشاكل مع بعض بسبب انه عايز يعمل خصم
كتقدير وانا ارفض وهكذا .؟

امبارح رايح احاسب زي كل مره لقيته مبلغ الريسبشن
إنهم يعملو خصم .؟
ف مدير المكان واقف ع الكاشير مع موظف الكاشير
رد مدير الفرع بيقولي
هوا حضرتك معاك كرت علشان الخصم بقوله لاء انا خلصت قولي الحساب .؟

رد الموظف بيقوله مستر محمود عمله خصم
يرد المدير يقوله لاء لاء سيبك منه
بطريقة أحرجتني انا شخصيا .؟؟

انا راجل عندي سلسله جيمات .؟
لو أصغر موظف عندي بلغني إن في حد تبعه عايز خصم بعمله أكبر خصم علشان يحس إن مرضي وليه قيمة في مكان هوا شغال فيه .؟

ف سيبك من اني مشهور
انا هكلمك من منطلق البزنس , إن عندي مشاريع في كذا مجال
الموقف دا موقف يترجم في صورة واحده بس
شخص في مكان لا يستحقه = شخصنة الامور مع أي حد في التيم
يترتب عليه حقد , غيرة , تصرفات طفوليه ….الخ

ف انا قولت الكلام ك دا نصيحة لاي شخص عنده بيزنس
وحبا في الشخص اللي بيشتغل بضمير للمكان
وتوجيه مباشر لأي شخص الكرسي واسع عليه

الروتين أساس أي حاجة عايز تنجح فيها
بغض النظر عن حبك وكرهك وميولك الشخصية

اللي عارفني ومتابعني من زمان هيلاقيني
كل يوم من سنين طويلة جدا
أكلي غالبا ثابت بنسبه 95‎%‎ الصبح بيض , جبنه او فول
مع عيش حبه كامله , الغداء ثابت
حصة بروتين مع كارب مع خضار والعشاء شبه الفطار
و التمرين بعده اسكوب بروتين و كرياتين
المتغير علي مدار السنين هي الكميات
علي حسب هدف النزول او الزيادة ..! لكن الاكل واحد

وكذلك التمرين بتروح الجيم تعافر مع الحديد
متخيل حد بيكافح مع جماد وبيتحمل تكسير الأنسجة العضلة
ولما الدنيا تكون ضغطاني تلاقي الاوزان بتزيد و العند بقي اكبر

السؤال
هل انا زهقت ؟؟

الرد
ايوه طبعا زهقت .؟ بل جضيت .!

بس في النهاية الهدف اهم واكبر بكتير من الزهق ..!

لان علي مدار كل السنين اللي بعمله كان بيشكل الهدف الاساسي

-وهوا
اني احافظ علي وزني , شكل جسمي , معدلات الصحة العامه , معدلات اللياقة البدنيه , تجنب امراض ومشاكل صحية كتير جدا سببها سوء التغذيه ، قله الرياضة , اني ابقي انسان قوي جسمي يساعدني علي اي مشقة احطه فيها وكذلك عقلي بيتعامل مع المواقف .

كذلك الشغل او التطوير , عبء الالتزام تجاه شغلك , عمليه التشغيل في مشروعك ..!

السؤال
هل زهقت من المذاكره او الكورسات او الشغل ؟؟

الرد
ايوه طبعا “وبتوصل لضغوط كبيره جدا “

بس مكمل فيهم لاني انا اللي محتاج اطور من نفسي , وكذلك الشغل .

الهدف اكيد
علشان احسن مستوايا الاجتماعي , نجاحي علي المستوي المهني
ودا بيخليني احقق مكسب اكتر وتقدم في سوق العمل يضمن وجودك لمده اكبر .؟
اللي في النهاية بيترجم في مردود يبسطني ويبسط اهلي
ويخلني اشتري اللي نفسي فيه ودا كافي جدا يشجعني اكمل
حتي لو حاسس اني حياتي عباره عن كتله من الروتين .؟

-عايزك تبص علي اي حاجة نجحت فيها قبل كدا
هيكون السبب “تكرارها بنفس الشكل لمده طويله “

* وعايزك تبص لاي حاجة خسرتها
* هتلاقي البداية اول م تبدأ تقول لنفسك
انا هتشغل دي علشان بحبها او مش هتشتغل دي علشان بكرها
او دا مناسب او دا مش مناسب او الناس هتقول ايه او هتشوفني ازاي .؟؟

•وكذلك لو هتقول
“مبقاش في شغف ولا بقيت احب اللي بعمله وحاسس بروتين”
علي طول تبدأ تخرج برا الروتين = خساره اللي كنت بتعمله
او بتكسب منه .؟

الروتين ثقافه اي شخص ناجح في الدنيا مهما كان اسمه
او قصته او طبيعه شغله او شكل بدايته .!
الروتين مرحلة بيعيشها الانسان النجاح وينغمس فيها
من غير م يحس وللاسف هي دي
ضريبه النجاح , اهم اسباب المكسب
وعلشان تستمر في نجاحك , مكسبك لازم تستمر في الروتين
بتكسره بسفريه في مكان نفسك تروحة او عربية حلوه
او مكان جميل بتقعد فيه بفلوسك اللي تعبت وشقيت فيها …..الخ ودي اكبر مكافئة حتي لو بتعملها كل فين وفين

-المهم انك لازم تبرمج عقلك علي كدا
ان النجاح في الشغل , النجاح في التطوير , التعليم , شكل الجسم
, الحفاظ علي الصحة , ضبط النفس ، وصولك لمستوي اجتماعي , زيادة رزقك , مكسبك = روتين بيتعمل بشكل ثابت ومستمر
ولكل حاجة نفسك تحققها حاجة هتقدمها .؟؟

وهنا مربط الفرس
سواء في شغف او مفيش في مشاكل او مفيش
في طاقة او مفيش فرحان او بتعيط عندك ظروف معندكش
“اكتر حاجة هتغير حياتك انك تستمر مهما كانت
الظروف متغيره من حواليك”

لان محدش هيدفع تمن التاخير او الوقوف وتقديم الاعذار غيرك
ومحدش هيحصد تمن الاستمرار , النجاح , المكسب غيرك ..♥️

ف نصيحة مني “شمر ولوش متعتمدش اي مصطلحات

-طورت نفسك , ربنا كرمك , كسبت فلوس
لو سمحت اعمل بالنصيحة دي علشان مترجعش لنقطة الصفر زي كل اللي رجعوا وتطلع مديون كمان ..؟

-بلاش تجري تشتري كل اللي كانت مأجله من سنين بنظام
القسط الشهري سواء عقارات او سيارات او ادوات منزلية ….الخ
حضرتك كدا بتلزم نفسك بمصاريف دورية مستحقة
فى مواعيد غير قابله للتأخير .
مصاريف تعادل جزء كبير من دخلك الشهري اللي مش ثابت
ف لو حصل اي تغير في الدخل الشهري او ظروف زيادة عليك
الحالتين = تراكم ديون + غرامات تأخير = مفيش فلوس تسد
ودي بداية الكعبلة حرفيا , الغرق حرفيا
هتقعد تلم في الكعبلة دي سنين او يمكن تبيع كل اللي اشتريته
بخساره علشان تخلص من تراكم الديون , غرامات التأخير ..!

-بيكلمني كل يوم ناس عدو مرحلة التطوير
وقدروا يعملو فلوس ماشاء الله وارقام كويسة جدا .

اخرهم من شهر
موظف في شركة من شركات الاتصالات
اتعلم من 4 سنين ميديا باينج وشغال حاليا وبيعمل منها ارقام محترمة بتوصل ل 200 الف في الشهر بس دا طبعا غير ثابت .

-للاسف اسس التزاماته , اقساطه علي كل الدخل الشهري
اخد شقه الاول باقساط , بعدها اخد شقه تانيه باقساط + دفعات سنويه + جاب عربية باقساط
كل دا غير التزاماته العادية البيت اللي هي 60 الف جنيه شهريا تقريبا .؟

-حصل مشاكل مع كام عميل وقفوا شغل معاه .؟
•هوب نص الدخل او اكتر مبقاش موجود
•هوب بدأ يدخل إجمال اللي فاضل من الدخل في المصاريف
ويحط عليه من جزء كان محوشه .

-الشهر اللي بعده حصل الاسواء الشغل قل برضو
التحويشة خلصت
الاقساط تراكمت + استلف علشان يسدد ..!

بعدها قرار كان انه يبيع حاجة علشان يعرف يسد الباقي ويفك الصغط اللي حط نفسه فيه
وعلشان يبيع بسرعه ويقدر يسدد اللي جي
البيع بسرعه كان بخساره .؟؟

-علشان كدا لو سمحت
بلاش تحط علي نفسك التزامات مادية ثابته وانت دخلك مش ثابت .؟

•حتي او كان دخلك كبير من وجهة نظرك

لو هتشتري تقسط
لازم الاول تطلع كل مصاريف حياتك الثابته كل شهر .
وبعدها لو عايز تشتري حاجة قسط يبقي بنص اللي باقي
و النص التاني يبقي كفر مادي يساعدك تتخطي اي ازمة
او بتحوش منه وتشتري العربية او اي حاجة بتفكر فيها..!
مش كل حاجة لازم تشتريها تبقي قسط
في حاجات انصحك متفكرش فيها الا لو كان معاك حقها بالكامل .؟

-المهم
بعد كلام كتير بينا وحساب اجمالي المدفوع في كل شقه

-قولتله
يبيع الشقة اللي دفعتها اكبر علشان نقلل الصغط المادي
وفرصة بيعها للسوق هتكون اسرع واكبر علشان هي مميزه
وتتباع ك استثمار .!
وفلوسها تدينا مساحة كبيره لسداد اقساط باقي الالتزامات التانية .؟

-بالفعل اخدنا القرار
وبفضل الله اسبوع وكانت الشقة اتباعت وفكت الازمه
وقلتت حجم المصاريف الدوريه عنه
وهوا نفسه حس انه خرم السفينه اللي كان هيغرق الكل اتسد .؟

علشان كدا نصيحة لوجه الله اعمل بكل كلمة في البوست
لان معظم اللي ربنا بيكرمهم بيقعو في الفخ دا بسبب قلة الخبره
في ادارة رأس المال .


#استشارة
#استشارات
#بيزنس
#استثمار

شغال معانا في الجيم شاب صغير لسه في التعليم.!
بيخلص دروسه وبينزل الشغل في الكام ساعة اللي فاضي فيهم.

في الكام ساعة اللي هو متابع الشغل فيهم
بيخلص المذاكرة، الواجبات بتاعته وأنا بوفر ليه مساحة يعمل كده
ودايما بسأله على دروسه ومدرسته وكده

-الحلو في الموضوع
إنه اتعرف على طالب جامعي شاطر جدًا بيتمرن عندي في الجيم
وبقى ييجي بدري مخصوص قبل التمرين يدي الدرس للشاب اللي شغال معانا..♥️

-وبدأ الموضوع يتكرر
وتقريبًا الشاب اللي شغال معايا مش عايز يقولي علشان حاسس إنه كده متقل عليا..! يعني بييجي بعد وقت الشغل وبسيبه يذاكر
وكمان هياخد درس..؟
فبدأ يعمل الموضوع في المداري شوية .

لما اكتشفت مساعدة المتدرب
للي شغال معايا وإنه بيدي ليه درس خصوصي.؟

دخلت سلمت عليه وشكرته إنه بيعمل كده معاه لوجه الله
وخصصت ليهم مكان علشان ياخد فيه الدرس ويذاكر ويعمل وجباته .

وبقى الموضوع منتظم بدون م يحس إني مدايق أو إنه يعمل حاجة من ورايا .؟
ييجي من الدروس على الشغل
يخلص شغله يذاكر ياخد الدرس يخلص واجب وهو بيباشر الشغل …!

اللي فيها لله عمرها م تغرق صدقني
ربنا بيعوضك ف سهلها على الناس ربنا يسهلها عليك

شكرا لكل اللي نبهني لموضوع دينا عزت , جوزها
بتفاصيل وفيديوهات علشان يوضح ليا ان وجهة نظري لسه مش كامله .؟

ف انا بعتذر وكان الافضل السكوت عن الموضوع
وان شاء الله ربنا ينصر المظلوم ..♥️
انا معنديش اي مشكلة لو اتسرعت في الحكم علي حاجة
ارجع عن اللي قولته افضل من المكابره

واتمني
يكون دا رد وزارة الداخليه لو كان الخطاء من عند الظابط

-كنت بقدم لابني ياسين في بطولة المدارس علشان ان شاء الله
ياخد درجات التفوق الرياضي “ياسين بطل كاراتيه”

-المهم
الموظفين مكنوش هناك
قولتله تعالي نقعد في اي مكان ..!

-شوفت قهوه بلدي في وسط سوق قاعد عليها شباب صغير
بيشربو سجاير , ناس كبيره … الخ

-قولت
فرصة اخليه يجرب قاعده القهوه معايا بدل ميجربها مره
وهوا مش معايا
وافهمه الدرس من ارض الواقع
ويعني ايه قاعدة القهوه , اللي ممكن يترتب عليها وازاي قاعدة قهوة ممكن تغير نهج حياته بالكامل
بسبب البيئه , الصحبة اللي هختلط بيها هناك .

-المهم دخلنا قعدنا في نص القهوه جوا
الريحة في المكان قالته وحشة جدا , المشهد جديد علي ياسين..!

-المهم
بدأت اعرفه علي ترتيب القاعده في القهوه
لان الموضوع هنا مش عشوائي .؟

-الناس اللي قاعده برا قدام القهوه دول معظمهم بيتفرجو علي حريم السوق اللي رايحة و اللي جاية
ومن غير اي صوت هوا جي يقعد ساعتين الصبح كدا ويمشي ..؟

-المهم بقوله
تشرب ايه .؟

•بيقولي
لاء مش عايز

•بقوله
والله ابدأ لازم تشرب حاجة 😅

-المهم
طلبت لنفسي كركديه , ياسين طلب شاي
الحمد لله الطلب نزل
لا انا شربت الكركديه ولا هوا شرب الشاي
لا طعم ولا ريحة ولا نظافة ..؟

-شوية وبقوله هنا الناس شبه بعض جدا يعم ياسين
اي مكان هتدخله في الدنيا هتلاقي الناس شبه بعض
واحنا باين علينا اننا جداد جدا
قاعدين في نص الصالة نزلنا طلبات ب 20 جنيه ومحدش فينا شربها ودا مبيحصلش..؟ وشوشنا جديده علي الناس هنا

-ودا طبيعي
كل مكان بيتقابل فيه الناس اللي شبه بعض

يعني الجيم الناس هناك شبه بعض اهتمامتهم واحده
حتي لو حد جديد دخل المكان شوية وهيبقي شبه الباقي
بيتمرن كويس بياكل كويس ملتزم بيجاهد نفسه في البعد عن الغلط وكل م يقدم يتعامل بسلاسة اكتر …

-ودا معناه انك لو عودت نفسك علي قاعدة القهوه
شوية وقت وهتلاقي نفسك جزء من عادات المكان
اللي كان في الاول جديده عليك
هتيجي هنا تضيع وقتك بلا هدف هتلافي رجلك اخدت ع المكان كل م تبقي فاضي او زهقان لحد م تبقي مطبع بطبع المكان بالظبط
وتسحل نفسك مع ناس تهد عليك افكار غريبة وحوارات مريبة
وشرب شيشة وما بعد الشيشة…..الخ
وتبدأ تضيع كل وقتك اللي مفروض كنت تستغله في حاجات تنفعك في المستقبل علي ناس , مكان , عادات كل م تطول فيها تاخد جزء من حياتك لمنطقة اسوأ .؟

-علشان كدا
لازم تعرف انك بتكمل عدد القاعده في اي مكان
وبتاخد من عادتهم
يعني لو رحت تصلي الفجر وفي 4 قاعدين هتبقي الخامس بتاعهم
لو قررتو تقعدو تسبحو للشروق هتبقي عملت حاجة جديده بسبب القاعده و المكان .؟

-نفس الكلام في الجيم او مشروع او قهوه
انت جزء من عادات الناس اللي بتقعد معاهم
لو عايز تعرف انت ليه في الجيم بص علي اللي خلاك تروح الجيم
وكذلك القهوه وكذلك الجامع “بص علي الصحبه”

ولما تلاقي نفسك في المكان الغلط
اوعي تكمل فيه ساعة زيادة ديما حط نفسك في وسط الناس اللي نفسك تبقي زيهم في يوم من الايام .!