د.شعبان حبيب

مفيش مريض سكر من النوع الاول ياخد اقراص او انسولين مخلوط اللي هوا انسولين ميكستارد وامثاله

سكر النوع الاول بياخد انسولين قاعدي وانسولين سريع
غيبوبات وحموضه في الدم ومضاعفات كتير بتحصل
تابع السكر وخد الانسولين اللي ينفعك مش اللي يريحك من عدد الشكاات

عيادة ابوحماد في تراكمي وعشوائي

والله وعملوها الرجاله وخلاص لبسوا النضارة😢🙈🙈🙈

بلاش وقفه في الشمس كتير النهارده

نشرب سوايل كتير ناخد شاور لو حصل سخونيه وصداع مع قرص بنادول

ضربة الشمس هتعمل صداع مع سخونيه متستعجلوش في المضاد الحيوي بليزززز

اول يوم ارتفاع فعلي في درجات الحرارة

اهلا بالصيف وتقل دمه 🌹😂

❤الدايت
وما أدراكم ما الدايت يا اخوانا
تقريبا ده وباء وانتشر حاليا
متقابلش حد الا ويقولك
انا عامل دايت
انا محتاج اعمل دايت
انا تخنت ٥٠ جرام
انا بقالى شهر مش بخس

ده تقريبا أشهر سبب للاكتئاب
تبتدى ريجيم اول اسبوع
بعدين يبتدى الحرمان
تلاقى نفسك عملت سنة فرى
وتخنت اكتر
فترجع تكتئب وتقرر تعمل دايت تانى
ونفضل فى الحلقة المفرغة دى علطول

الموضوع ابسط من كده يا جماعة
جعان كل وخلاص
بلاش أفورة
لا تاكل كتير بزيادة ولا تحرم نفسك برضه

وبعدين عايز تخس فيه طرق كتيرة
مثلا الريجيم الاسلامى
انك تاكل براحتك وتدعى انك تخس
او ممكن برضه ريجيم ابو مازن
انك تفضل تاكل شاورمة وبطاطس براحتك
وفى الاخر تريح ضميرك وتجيب بيبسى دايت

والله لو شغلنا دماغنا بشكلنا من جوة زى شكلنا من برة
هنبقى حلوين علطول

كلوا براحتكم
متحرمش نفسك
اللى مش عاجبه دى مشكلته
خليك بس عاقل عشان صحتك مَش مجرد شكلك

يا ريت بجد بلاش الوسوسة الزيادة دى
انا كلت حباية ترمس يا ترى فيها كام سعر حرارى
هو البطيخ بيتخن
هو اصلا ينفع يبقى قدامك بطيخ فى الحر وتسيبه
اعقلوا الكلمة كده
بطلوا الهسهس ده
انا اعرف حد لما بيتعب مش بياخد بروفين
تخيلوا ليه
عشان القرص بتاع البروفين sugar coated
اللى هو ازى الصحة يعنى

لا والشركات عاملة احلى سبوبة عالموضوع ده
عيش دايت وماله
سكر دايت هصدق رغم انه سكر برضه
حلاوة طحينية دايت طب ازاى
كنافة دايت هعديها
لكن توصل بيكم الصفاقه وقله الضميرانكم تعملوا شيكولاتة دايت وانا المفروض اصدق
واسعة دى يا حسين الصراحة

طبعا مش هنتكلم عن دكاترة التخسيس اللى مش عارف يعنى اروح كل اسبوع عند حد عشان يوقفنى عالميزان
وبعدين يدينى منيو الاكل
ويقولى كل ده ومتاكلش ده
طب بذمتكم اما تروح البيت وتلاقى صينية المكرونة البشاميل عمرك هتفتكر كلام الدكتور ولا حتى اسمه

على رأى فاروق جعفر خلينا نتكلم كفنييين
انك تحرم نفسك ده مش حل عملى
نظم أكلك ماشى لكن متمنعش خالص والا مش هتقدر تكمل

صباح المحشى والبيتزا
صباح الكرواسون والسينابون
)الا ايه السينابون ده صحيح😂)
كل دايت وانتم طيبين
الموضوع باختصار كل اللي نفسك فيه بكميات بسيطه وقوم بعدها بساعه احرق اللي اكلته يبقي كده هنخس بسهوله ان شاء الله

مش كده وللا ايه❤💜

طمنوني علي صحتكم ياغالين
يارب اليوم يكون عدي بردا وسلاما♥
انا مقصرتش في الاسئله ورديت علي الجميع🌹♥

النهارده اجازة ان شاءلله في العيادات

هنشتغل بكره حاولوا متاكلوش كتير النهارده وبكرة هكون معاكم ♥

عيادة البلد عمريط ان شاءلله موجود فيها النهارده لو حد تعب طوارئ

وبكرة عيادة التل وابوحماد في مواعيدهم وربنا يعدي اليوم ده علي خير من غير تعب 🤲🏾

اجمدوا كده مش عاوز الفسيخ والرنجه يعملوا فيكم الجلاشه 😂😢

ان شاءلله موجود اليوم الاربعاء في عيادة ابوحماد في مواعيد العيادة من 6.30 ل 9
عشان اللي سألوني ع الواتس
الجو زي الفل اهو وربنا يستر🌺🙈

متزعلش نفسك ياللي كنت او كنتي مظبطه نفسك انك تخسي في رمضان
من الاخر مفيش ولا بني ٱدم خس في رمضان 🥲🙈

اللي هيخسوا في رمضان اكيد مش بني ٱدمين🙈😂

كلوا وعيشوا حياتكم ونتكلم في التخسيس وادوية التخسيس بعد شهر من الشهر الكريم وعك العيد والعواصف اللي جايلانا بعد العيد لو عدت علي خير 😢🙈

يارب كل اللي يعلق ع البوست يخس عششششششه كيلو🙌🏾😂🙈

طالما حالات اليوم الاول بعد العيد النهارده كلها مغص واسهال وترجيع وسخونيه ومشاكل هضميه ومولد حضرتك وصاحبه غايب🙈

قولولنا اللي اكل فسيخ ورنجه ومعملوش مغص ومشاكل هضميه كانت من محلات ايه عشان نشجع المحلات دي تجيب وتعمل حاجات كويسه 🤍🌺

بوست تشجيعي فقط لو سمحتم عشان منضرش حد في اكل عيشه لان مش كل اللي تعب تعب من الفسيخ والرنجه 😢

اكل العيد اللي بيتعب كتير وانتو عارفين ودايما بيحصل التعب بعد عيدالفطر والصيام

عيدكم مبارك 🌺🤍

اليوم ان شاءلله هنبتدي شغل بالعيادة:؛:

معلش اتأخرت عليكم في العيادة بس رديت علي كل الرسايل اول باول متأخرتش والله لاني عارف ان التعب في العيد بيكون صعب جدا🤍🌺

عيادة التل يوميا من الساعه2ل5 ماعدا الجمعه

عيادة ابوحماد يوميا من الساعه 6ل9 ماعدا الجمعه

عيد سعيد عليكم جميعا 🌺♥

بالله عليكم اجتهدوا في العبادة والدعاء والتضرع والصلاة في الكام ساعه الباقين من هذه الليلة المباركه لان علي مايبدوا انها ليلة القدر والله تعالي اعلم🤲🏻🤲🏻🤲🤲🏾